Йил бошидан бери иккинчи марта Хитой ҳукумати АҚШ билан савдо урушидан азият чекаётган миллий иқтисодиётнинг пасайиши шароитида бензин ва дизель ёқилғисининг чакана нархларини пасайтирди.
«Жэньминь Жибао» нашрининг хабар беришича, Хитойнинг ривожланиш ва ислоҳотлар давлат қўмитаси бир тонна газ нархини 80 юанга, мамлакат ичидаги дизель ёқилғи нархини 70 юанга тушириш тўғрисида қарор қабул қилди.
Амалдаги нархларни шакллантириш механизмига мувофиқ, агар халқаро нефть нархи бир тонна учун 50 юандан кўпроқ ўзгарса ва 10 иш куни давомида ўша даражада қолса, Хитойнинг ички бозорида бензин ва дизель каби нефть маҳсулотларининг нархи мос равишда тартибга солинади.
ГКРР, шунингдек, Хитойнинг етакчи нефть компанияларидан, жумладан PetroChina, Sinopec ва CNOOC компанияларидан бозор таъминотининг барқарорлигини таъминлаш ва миллий нарх сиёсатини амалга ошириш учун ҳаракат қилишни талаб қилди.
Йил бошида Хитойнинг ичида бензин ва дизелнинг чакана нархи 370 дан мос равишда 355 юанга пасайтирилди.
Эслатиб ўтамиз, 1 апрелдан бошлаб Хитой ҚҚС ставкаларини, 1 майдан эса ижтимоий суғурта ставкаларини пасайтирди. Қайта ишлаш саноатида ҚҚС ставкаси 16% дан 13% гача, транспорт ва юк ташиш, қурилиш ва бошқа соҳалар учун 10% дан 9% гача пасайди.
Жами бўлиб, иқтисодга солиқ юки йилига 2 триллион юанга ёки 285 миллиард долларга камайтирилди.
Шу йил бошида Хитой Халқ банки кичик бизнесни қўллаб-қувватлаш бўйича янги чоралари хақида эълон қилди. Марказий банкнинг янги қоидаларига кўра, кичик бизнес субъэктларига 10 миллион юангача (ёки 1,5 миллион доллар) кредит олган компаниялар киради.
Ҳозирда мавжуд 5 миллион юанли поғонани кўтариш, кичик корхоналарни кредитлаш учун маблағларни бўшатади: бундай кредитларни берган банклар учун захира нисбати бўйича имтиёзли стандартлар қўлланилади.
China International Capital Corporation (CICC) маълумотларига кўра, қоида ўзгариши банк секторига КЎБ субъектларига берилган кредитлар учун тахминан 400 миллиард юан маблағ сарфлаш имкониятини беради.
Uzbek