Толибон пайшанба куни эрталаб Афғонистоннинг тўртта провинциясида текширув пунктларига ҳужум уюштириб, 32 нафар хавфсизлик кучлари ходимлари ва ҳукуматга қарашли ҳукумат кўнгилли аскарларини ўлдирди. Бу хақда Reuters хабар бермоқда.
Афғонистондаги 17 йиллик урушда иккала томон ҳам бир-бирига қақшатқич зарбаларни бериб келади. Шу пайтгача Толибон ҳукумат кучларига катта зарар етказган бўлса, АҚШ ҳарбийлари ва уларнинг ҳукумат иттифоқчилари эса Толибон жангариларини ҳаво ҳужумлари билан ўлдириб келган.
Шу билан бирга, АҚШнинг Афғонистондаги мувофиқлаштирув бўйича Махсус вакили Залмай Халилзод, Толибон билан учта музокара олиб борган бўлса-да, исёнчилар шу ҳафтада тўртинчи давра музокараларини бекор қилди.
Толибоннинг энг оҳирги ҳужумлари шимолда Кундуз, Бағлон, Таҳор ва ғарбда Бадгис вилоятларида содир бўлди.
Қундуздаги Қала-и-Зал туманининг ҳокими Аҳмад Фаҳим Карлукнинг сўзларига кўра, кўп сонли Толибон, дастлабки вақтларда назорат пунктларига ҳужум қилиб, 10 аскар ва полициячини ўлдириб, 11 кишини яралаган.
Карлукнинг сўзларига кўра, 25 толибон жангарилари ўлдирилган.
Баглан ва Тоҳар каби қўшни вилоятлардаги расмийларга кўра, аванпотсларга ҳужуми давомида толиблар ҳукумат кучлари таркибида бўлган 16 нафар ҳукумат қўшинини ўлдирган.
Улар шунингдек, Толибон ҳам жиддий зарар кўрганини айтишди.
Ғарбда Бадгҳис вилоятида ҳоким вакили Жамшид Шаҳабининг айтишича, тўқнашувларда олти нафар хавфсизлик хизмати ходимлари ҳалок бўлган, 10 киши жароҳатланган.
Толибон матбуот котиби Забиҳулла Мужоҳид ҳужумлар бўйича масъулиятни ўз зиммасига олди ва баёнотида жангарилар ўнлаб хавфсизлик ходимларини ўлдириб, катта миқдорда қурол ва ўқ-дориларни эгаллашганлигини маълум қилди.
Uzbek