Владимир Путин ва Эмануэль Макроннинг қўшма матбуот анжумани стенограммсидан Франция президенти томонидан бир неча бор ишлатилган «сайлов» сўзи бутунлай олиб ташланди. Би-Би-Cи рус хизмати бунга эътибор қаратиб, Кремль веб-сайтидаги расшифровка билан учрашув видеосини таққослаб кўрган.
Учрашув 19 август куни Макроннинг Лазурдаги ёзги қароргоҳида бўлиб ўтган эди.
Хусусан, йиғилишда Макрон «ҳибсга олинганлар ва уларнинг эркин сайловларда қатнашиш имкониятилари ҳамда ўрнатилган табиий чекловлардан кўпчилик хавотирга тушди», дея баёнот берган. Ушбу ибора Кремель веб-сайтида «одамлар Москвада содир бўлган воқеалардан хавотирда бўлдилар: ҳибс олишлар ва ҳоказолар, хуқуқ-тартибот идоралари томонидан блоклардан… «, дея таржима қилиб, эълон қилинган.
BFMTV мухбирининг Москвадаги норозилик намойишлари ҳақидаги саволига жавобан Макрон шундай деган эди: «Биз бошқа кўпчилик (мамлакатлар) билан биргаликда сўз эркинлиги, фикр экринлиги, йиғилишлар эркинлиги ва сайловларда эркин равишда вакиллик қилиш демократияларимиз томонидан ҳурмат қилиниши керак, деган қарорга келдик.»
Кремль веб-сайтидаги таржимасидан келиб чиқадиган матнга кўра, йиғилишда Макроннинг жавоби, Россия «ўз фуқароларига асосий эркинликларни: сўз эркинлиги, фикр эркинлиги, йиғилишлар эркинлиги ва ҳоказоларни тақдим этадиган бир қатор халқаро шартномалар ва конвенцияларни ратификация қилди», деб айтилади. Таржимада сайловларда қатнашиш эркинлиги ҳақидаги сўзлар киритилмаган.
Президентнинг матбуот котиби Дмитрий Песков Би-би-си билан суҳбатда, бу таржимоннинг хатоси эканлигини ва транскрипция тузатилганлигига ишонтирди. “Бу синхронлаштирилган таржимон сўзларининг скриптидир. Бундай ишлар содир бўлиб туради”, деди у.
Uzbek