ОАВ: Трампнинг қарори, Исроилнинг юзига енгил тарсакидай бўлди, деб хабар қилади Анадолу
Исроил бош вазири Беньямин Нетаньяҳу, АҚШ президенти Дональд Трампни Суриядаги америка қўшинларини олиб чиқишдан воз кечиш учун кўндиришга уринди, дея хабар беради Исроилнинг Kanal 10 телеканали.
Телеканал маълумот беришига кўра, Тель-Авив, Оқ Уйнинг Суриядаги америкалик ҳарбий контингентини олиб чиқиш қароридан норози бўлиб, юзага келган вазиятни Россия, Эрон ва «Ҳизбуллоҳ» ҳаракатининг ғалабаси деб ҳисоблайди.
Трампнинг қарори, Исроилнинг юзига енгил тарсаки тушуриш ҳисобланади, телеканал репортажида.
Аввалроқ, ОАВда Америка Қўшма Штатлари Суриядан икки минг аскарини олиб чиқиш ниятида эканини маълум қилинган эди.
Америка оммавий ахборот воситалари Вашингтоннинг қўшинларни олиб чиқишга оид қарорини шарҳлаб, Америка ҳарбийларини Суриядан олиб чиқиш жараёни 60 кундан 100 кунгача давом этади, дея хабар беришди.
Аввалроқ, Исроил бош вазири Беньямин Нетаньяҳу, Оқ уй, Дональд Трампнинг Суриядан АҚШ ҳарбийларини олиб чиқиш ҳақидаги қарори билан Исроилни огоҳлантирганлиги хақида баёнот берган эди. Бош вазирнинг сўзларига кўра, Исроил ҳукумати бу қадамнинг Тель-Авив учун қандай оқибатларга олиб келишини тушуниш учун қўшинларни олиб чиқиш режаси ва уни амалга ошириш йўллари билан танишади. «Ҳар қандай шароитда биз Исроил хавфсизлигини таъминлаймиз ва ўзимизни бу ҳудуддан чиққан таҳдидлардан ҳимоя қиламиз», деди Нетаньяҳу.
Суриядаги уруш 2011 йил март ойида бошланган эди. Ўшанда тинч намойишлар ўт очилганидан сўнг, қуролли тўқнашувларга сабаб бўлган эди. Бирлашган Миллатлар Ташкилоти Қочоқлар Бўйича Олий Комиссариятининг (БМТ ҚОКБ) маълумотларига кўра, Сурияда тўқнашувлар йилида 6,6 миллион киши кўчиб кетган, 5,6 миллион қочқин бўлган.
Uzbek