Бир кун олдин Ўзбекистон ҳудудидан Афғонистон Ислом Республикасидан Хитой Халқ Республикасига биринчи контейнер юкларини экспорт қилишнинг очилиш маросими бўлиб ўтди.
«Яримфабрикат минерал калсиум кукуни билан тўлдирилган 41 та контейнер поезди Ҳайратон станциясидан Дўстлик кўприги орқали жўнади», дейилади баёнотда.
Матбуот хизмати таъкидлашича, Ўзбекистон Афғонистон билан икки томонлама алоқаларни кенгайтиришда давом этмоқда ва ушбу мамлакатда тинч ҳаётни қарор топтириш бўйича халқаро ҳаракатларга фаол қўшилмоқда.
«Барча даражадаги жадал ва ишончли алоқалар, икки давлат раҳбарларининг сиёсий иродаси Ўзбекистон ва Афғонистонга икки томонлама муносабатларни ҳамкорликнинг барча соҳаларида яққол кўриш мумкин бўлган тубдан янги динамикани яратишга имкон берди. Хусусан, темир йўл соҳасида ўзаро манфаатли шериклик ва Ўзбекистон-Афғонистон муносабатларини янада ривожлантириш учун катта имкониятлар мавжуд».
РEГНУМ аввал хабар берганидек, Ўзбекистон Афғонистонда бир қатор йирик сармоявий лойиҳаларни амалга оширмоқда, жумладан, Мозори-Шариф-Ҳирот ва Мозори-Шариф-Қобул-Пешовар темир йўллари, Сурхон-Пули-Хумри электр узатиш линиялари ва бошқалар.
Uzbek