Германия сиёсий бошпана сўраган хитойлик этник уйғурни депорт қилган. Маҳаллий ОАВнинг хабар беришича, ушбу воқеа шу йилнинг баҳор фаслида маъмурий хатолик туфайли юз берган, лекин шу кунларга келибгина маълум бўлган.
Маълум бўлишича, 22 ёшли уйғурнинг аризаси бўйича тинглов 3 апрель куни бўлиб ўтиши лозим бўлган, лекин миграция ва қочоқлар ишлари билан шуғулланувчи Федерал бошқарманинг бу ҳақдаги хабарномаси маҳаллий раҳбариятга етиб бормаган. Натижада йигит Пекин самолётига мажбуран ўтказилиб, жўнатиб юборилган.
Мюнхен Миграцион хизмати бўлиб ўтган воқеадан афсусда эканини маълум қилиб, уларнинг мақсадлари «депорт қилинган кишининг ҳуқуларини поймол қилиш» бўлмагани билдиришди.
Депорт қилинган уйғурнинг адвокати, унинг жўнаб кетганидан сўнг ҳеч қандай хабар келмаганини маълум қилган.
Uzbek