Янги Зеландия суди 24 август душанба куни Брентон Таррант иши бўйича суд мажлисини бошлайди.Таррант 2019 йилнинг 15 мартида Крайстчерч шаҳридаги иккита масжидда жума намозини адо этаётган одамларни ўққа тутган бўлиб, ушбу қирғинда 51 нафар мусулмон ҳалок бўлганди. Бу ҳодиса дунёни ларзага солганди.
Асли австралиялик бўлган Таррант 51 кишини ўлдирганлик, 40 кишини ўлдиришга уриниш ва террористик ҳаракатни амалга ошириш бўйича айбланмоқда. У март ойида ўзига қўйилган барча айбловларни тан олган.
Душанба куни бўлиб ўтиши режалаштирилган суд мажлисида Олий Суд судяси Камерун Мандер ушбу қирғиндан омон қолган 66 та гувоҳдан воқеа тафсилотларини эшитади. Мазкур мажлисда Таррантнинг ўзи ҳам қатнашиши мумкин. Ҳукм ўқилишидан олдин Таррантга сўнгги марта сўзлашга рухсат берилади.
Таррантга умрбод қамоқ жазоси берилиши мумкин. Янги Зеландия тарихида ҳали ҳеч ким бундай жазо олмаган.
Душанба куни бўлиб ўтадиган суд мажлисидан жонли эфирда репортажлар қилиш тақиқланган. Шунингдек, медиа воситаларининг ҳам бу суд ҳақида маълумот беришлашларини чекловчи бошқа тақиқлар ҳам ўрнатилган.
Uzbek