Якутиялик интернет фойдаланувчиларидан бири мамонт мўйнасидан тўқилган қалпоқни сотиши ҳақидаги эълонни интернетга жойлади. У ушбу қалпоқни 10 минг АҚШ доллари (680 минг рубль) дея баҳолаган.
Қалпоқнинг эгаси 44 ёшли Владимир Аммосовнинг таъкидлашича, у ушбу қалпоқ мўйнасини қариндошидан сотиб олган. Мўйна сотувчиси эса мазкур мўйналарни Уст-Янск туманидаги мамонтлар қабристонидан йиғиб олган экан.
Владимир мазкур мўйналарни сотиб олгач, уни маълум вақт сақлаб қўйган ва орадан вақт ўтгач, улардан худди отнинг ёлидан тўқиладиган қалпоқ каби қалпоқ тўқиган экан.
Uzbek