Туркия душанба куни жануби-шарқий Диярбакир, Ван ва Мардин шаҳарлари ҳокимларини терроризм билан боғлиқ терговлар олиб борганлиги сабабли алмаштирди. Бу ҳақида Reuters агентлиги хабар бермоқда.
Вазирлик баёнотида уч шаҳар ҳокими турли жиноятларда, жумладан, террорчилик ташкилотига аъзоликда ва террорчилик гуруҳининг тарғиботида айбланган.
2016-йилда Туркия курдларнинг асосан жануби-шарқида жойлашган ўнлаб ҳокимларни Курд Ишчилар Партиясининг жангарилар гуруҳи билан алоқада бўлганликда айблаб, уларни давлат маъмурлари билан алмаштирган эди.
Март ойида бўлиб ўтадиган маҳаллий сайловлар арафасида Президент Эрдоған, агар Курдистон Халқ Демократик Партиясининг мерлари ҳам олдингилар каби жангарилар билан алоқада бўлган, деб ҳисобланса, яна ишдан олиниши мумкинлиги ҳақида огоҳлантирган.
Эрдоған тез-тез Курд халқ демократик партиясини Туркия, Европа Иттифоқи ва АҚШ томонидан террорчи гуруҳ, деб белгиланган Курд ишчи партияси билан алоқада айблайди. Курд халқ демократик партияси бундай алоқаларни рад этади.
Курд ишчи партияси 1984 йилда исён кўтарган ва тўқнашувда 40 мингдан ортиқ одам ҳалок бўлган эди.
Uzbek