15 ноябр куни Туркия ИШИД таркибида жанг қилгани гумонланаётган АҚШ фуқаросини ватанига жўнатди, деди Туркия ички ишлар вазири Сулаймон Сойлу.
11 ноябр куни Туркия ҳукумати қўлга олинган ИШИД жангариларини ўз мамлакатларига депортация қилишни бошлади. Расмий Анқара ўтган ой Суриянинг шимоли-шарқида бўлиб ўтган ҳарбий операцияда яна 287 жангарини қўлга олганини маълум қилди. Шунингдек, бошқа юзлаб жиҳодчи гумондорлар ҳибсга олингани айтилмоқда.
Сойлунинг айтишича, жума куни Германиянинг ҳибсдаги икки нафар фуқароси ҳам депортация қилинган. Туркия ҳозиргача яна саккизта немис ва битта британияликни уйига қайтарган. Туркия ҳукумати яқин кунларда ҳибсдагилар Ирландия, Франция ва бошқа давлатларга депортация қилинишини билдирди.
Uzbek