Туркия “Росатом” давлат корпорацияси бунёд этаётган «Аккую» атом электр станциясидан кейин иккинчи ва учинчи лойиҳани амалга оширишга киришади.
Бу ҳақда сешанба куни Туркия президенти Режеп Таййип Эрдўғон Анқарадаги чиқишида маълум қилди.
«Биз «Аккую» атом электр станциясининг биринчи блокини 2023 йилда ишга туширишни режалаштирмоқдамиз. Ундан кейин зудлик билан иккинчи, ҳатто учинчи АЭСни қуришга тайёргарликни бошлаб юборамиз. Биз мамлакатимизни атом энергетикаси билан тўлиқ таъминлашга ҳаракат қиламиз», – дея таъкидлади у.