Aфғонистондаги хорижий қўшинлар қўмондони, америкалик генерал Скотт Миллер мамлакатдан ҳарбийларни олиб чиқиш жараёни бошланганини эълон қилди.
Айтиш мумкин, AҚШ президентиЖо БайденАфғонистондаги урушни 11 сентябргача бартараф этиш тўғрисидаги буйруғи бажарилмоқда. БуAфғонистон қўшниларига, хусусан, Хитойга таъсир қилиши мумкин.
Эҳтимол, Кобул ҳукумати тарафдорлари билан толиблар ўртасида тўқнашув бошлангудек бўлса, хитойлик мусулмонлар орасида жиҳод тарафдорлари бундан фойдаланишга ҳаракат қилади. Бошқа томондан эса, ХХР Aфғонистоннинг бой минерал ресурсларидан фойдаланиш ҳуқуқига эга бўлиши мумкин.
Лондондаги Бирлашган Қуроллик Хизматлари институти профессори Раффаелло Пантуччининг сўзларига кўра, Байден қабул қилган қарор Хитой учун ҳам қийин, ҳам имконият демакдир.
Ижобий томони шундаки, асосий геосиёсий душманлик кетмоқда. Бироқ, қўшни давлатда беқарорлик ва фуқаролар урушининг олдини олиш вазифасини ким ўз зиммасига олади,деган савол ҳам бор.
Aфғонистон бир неча маротаба бошқа мамлакатларга ҳужум қилиш учун қулай бош пана ролини бажарган. Хитой жиҳодчилар ўзларининг саботажлари учун уйғурлар ичидан жангарилар ёллаши мумкинлигидан хавотирда.
Bloomberg хабарига кўра, ўтган йили Aфғонистон хавфсизлик хизмати Кобулда террористик тармоқларга кириб олишга ҳаракат қилаётган хитойлик агентларни йўқ қилган эди.
Аммо ўндан зиёд Хитой фуқароси ҳибсга олинган. Уларнинг озод қилинишини таъминлаш учун Хитойнинг махсус топшириқли элчиси Кобулга ташриф буюрди.
Uzbek