АҚШ Президети Дональд Трамп уйғурларга зулм қилган Хитой ҳукумати амалдорларига нисбатан санксиялар қўллаш борасидаги қонунга имзо чекишни режалаштирмоқда,дея хабар берилди 8 июнь куни. Аммо, Трамп бу ишни айнан қачон амалга ошириши ҳали оммага маълум қилинмаган.
Ўтган ойда АҚШ Конгресси томонидан тасдиқланиб,президентга жўнатилган ушбу уйғурлар ҳақидаги қонунда Хитойнинг Шарқий Туркистон (Шинжон) вилоятидаги уйғурлар ва озчиликни ташкил қилувчи бошқа мусулмонларга зулм қилган амалдорларни санксиялар билан жазолаш кўзда тутилган. БМТ маълумотларига кўра,ҳозирда Шарқий Туркистонда бир миллиондан ортиқ мусулмонлар “қайта тарбиялаш” лагерларида ушланиб турилибди.
Аввалроқ Хитой ҳукумати АҚШ Конгрессининг бу қонун лойиҳасини маъқуллаганини танқид қилиб,буни Хитойга нисбатан ғаразли ҳужум ва ички ишларга жиддий аралашиш деб баҳолаган ва воқеалар ривожи шу зайлда давом эца икки давлатнинг ҳамкорлигига зарар етишини таъкидлаганди.
Ўтган ҳафтада Трамп Хитойнинг Гонгконг бўйича янги қонунига жавобан шахсан мамлакат раҳбари Си Сзинпинга санксия қўлламоқчи эмаслигини айтган бўлсада, аммо,у ўз ҳукуматига Хитойни Гонгконгдаги янги қонуни учун жазолаш бўйича топшириқ берган ва АҚШ Гонгконгнинг мустақиллигини “бўғиб ўлдираётган” шахсларга нисбатан санкциялар киритишини маълум қилган.
АҚШнинг уйғурлар тўғрисидаги қонунида Хитой коммунистик партияси раҳбари Чен Қуангуо Шарқий Туркистондаги мусулмонларнинг ҳуқуқларини бузганликда жавобгар шахс сифатида қайд этилган.
Uzbek