АҚШ президенти Дональд Трамп чоршанба куни Шимолий Корея раҳбари Ким Чен Индан «ажойиб» мактубни олгани ва яқин келажакда уни ядровий қуролидан воз кечишга ишонтиришга уриниб кўриши хақида айтди.
Оқ Уйда журналистларга берган интервьюсида, Трамп, Кимнинг ўзи билан олиб борадиган музокаралар ҳақида гапирар экан, агар унинг админстрацияси бўлмаганида, «сизлар Осиёда жуда катта ёғли урушга эга бўлар эдингиз», деб айтган. У шошилишнинг кераги йўқлигини такрорлаган.
«Мен шошилмаяпман. Менга шошилиш керак эмас. Менинг билганларим, Шимолий Кореяда ракета йўқ, ядровий синов йўқ” дея, Трамп, Шимолий Кореяда ядровий ва ракета синовларини ўтказишлар 2017 йилнинг иккинчи ярмида тўхтатилганлигини назарда тутиб айтди.
Трамп, Кимнинг Янги йил нутқини АҚШдаги жамоатчилик телевиденияси орқали намойиш этилганида томоша қилган.
«Улар (телевиденияда) раис Кимнинг нутқини кўрсатишди, у ҳақиқатан ҳам бир жойга тўпланишни, у денуклеаризацияни истамоқда ва кўплаб яхши нарсалар содир бўлади», – деди Трамп.
«Улар ҳақиқатан ҳам нимадир қилишни хоҳлашмоқда. Хўш, буни амалга ошириш керакми? Ким билади? Шартнома – бу шартнома, сиз ҳеч қачон билмайсиз, аммо мен сизга айтаман, биз Шимолий Корея билан жуда яхши муносабат ўрнатдик»
«Эҳтимол, энди яна бир учрашувимиз бўлади. У, учрашишни истамоқда, мен учрашишни истайман. Биз буни уюштирамиз, яқин келажакда уюштирамиз», деди Трамп.
Ким, июнь ойида Сингапур саммитида биринчи марта учрашувида Корея ярим оролининг денуклеаризацияси устида ишлашни ваъда қилган, аммо ўша пайтдан бери тайинли илгари силжишлар кузатилмаган эди.
Сешанба куни, Янги йил нутқида, Ким исталган пайтда Трамп билан учрашишга тайёр экани хақида айтган, аммо агар Америка санкцияларини ва мамлакатга босим ўтказишни давом эттирса, у «янги йўл» ахтариши хақида маълум қилган эди.
Трамп, Шимолий Кореянинг «улкан» салоҳиятга эга эканлигини ва қўшимча қилиб: «Биз уларга ёрдам берамиз» деб айтган.
Душанба куни Жанубий Кореянинг Chosun Ilbo газетаси Кимнинг ядровий музокаралар ҳақида Трампга мактуб жўнатгани хақида хабар қилди. Мактуб, “ёзма мактубда бўладиган» мазмундаги маълумотларни ўз ичига олмаган.
Uzbek