5 февраль куни Франция президенти Эммануел Макрон Россия ҳукуматини танқид қилиб, Москванинг Алексей Навалнийнинг заҳарланишидан то унинг қамалгунича бўлган пайтда амалга оширган ишларини “қаттиқ қоралашини” айтди. Шунингдек, Макрон Россиянинг ўз ҳудудидан уч мамлакат элчиларини ҳайдаганини ҳам танқид қилди.
«Мен ўз дипломатлари чиқариб юборилган учта мамлакат билан биргаман» деди Макрон Франция-Германия мудофаа ва хавфсизлик кенгашининг виртуал йиғилишидан сўнг ўтказилган матбуот анжуманида.
Россия 5 февраль куни Польша, Германия ва Швеция элчиларини ўз ҳудудидан чиқариб юборишини эълон қилганди. Ушбу мамлакат элчилари Россияда ўтган ойда бўлиб ўтган ноқонуний намойишларда қатнашганликда айбланмоқда.
Ҳозирда Россия ҳукумати Навалнийни қамагани учун ички ва ташқи босимга дуч келмоқда. Ўтган ойда Навалнийни озод қилинишини талаб қилиб бутун Россия бўйлаб юз минглаб одамлар намойиш уюштиришган бўлса, бир нечта мамлакатлар, жумладан, АҚШ ва Германия рус ҳукуматининг ҳаракатларини қоралаб, Навалний озодликка чиқарилиши кераклигини таъкидлашди.
Uzbek