Ўзбекистон ва Туркия ўртасида экстрадиция тўгрисидаги келишув 2019 йил 20 августда кучга кирди, деб хабар бермоқда Ўзбекистон Республикаси Ташқи ишлар вазирлиги. Эслатиб ўтамиз, ушбу келишув икки мамлакат ҳукуматлари ўртасида 2018-йилнинг 30 апрелида имзоланган эди.
«Битим жиноий-ҳуқуқий соҳадаги ҳамкорликни кенгайтиришга ва жиноятчиликка қарши курашда икки мамлакатнинг янада самарали ҳамкорлигини таъминлашга қаратилган», дейилади хабарда.
Ҳужжатда экстрадиция тартиби ва шартлари, беришни рад этиш асослари, сўровнинг шакли ва мазмуни, шунингдек, сўралаётган томонга бериладиган зарур тасдиқловчи ҳужжатлар кўрсатилган.
«Келишувга биноан, ҳар бир томон экстрадиция билан боғлиқ жинояти учун шахсни жиноий жавобгарликка тортиш ёки сўроқ қилиш учун, ҳужжатда белгиланган пунктларга мувофиқ келган такдирда 2-томонга топшириш мажбуриятини олади», дейилади ТИВ хабарида.
Uzbek