Қўшма Штатлар Ўрта ва қисқа масофага учадиган ракеталарни йўқ қилиш тўғрисидаги шартномада тақиқланган круиз ракеталарини синовдан ўтказиб, ҳарбий кескинликни кучайтиришга ўз эътиборини қаратди. Бу ҳақда 20-август куни Россия Ташқи ишлар вазирининг ўринбосари Сергей Рябков маълум қилди.
«АҚШ ҳарбий зиддиятларни кучайтириш йўлидан бормоқда», деди Рябков. «Биз провокацияларга берилмаяпмиз».
Унинг сўзларига кўра, АҚШнинг бундай ракетани синовдан ўтказиши уларнинг бундай тизимлар устида узоқ вақтдан бери ишлаб келаятганлигини тасдиқлайди.
Аввалроқ хабар берилганидек, 18-август куни Пентагон ушбу шартномада тақиқланган ерга асосланган круиз ракеталари полигонида биринчи бўлиб ўтказилган синов ҳақида хабар берди. Ракета Калифорния штатидаги Сан-Николай оролидан учирилгани ва 500 километрдан узокроқ масофани учиб ўтганлиги билдириган эди.
Uzbek