Россия келажакда “гигант Эрон”га айланиши мумкин

0
778
Очиқ манбалардан олинган сурат

Халқаро валюта жамғармасининг собиқ бош иқтисодчиси россияликлар халқаро санкциялар туфайли “ақл бовар қилмайдиган даражадаги қашшоқликка” дуч келиши мумкинлигидан огоҳлантирди, деб хабар бермоқда Медуза.

Халқаро санкциялар Россия иқтисодиётига жиддий таъсир кўрсатмоқда, бу эса Россия фуқароларини келажакда “ақл бовар қилмайдиган даражада қашшоқлик”га дучор қилиши мумкин, деди Гарвард университети профессори, Халқаро валюта жамғармасининг собиқ бош иқтисодчиси Кеннет Рогофф. Бундай баёнотни у Давосдаги Жаҳон иқтисодий форумидаги нутқи чоғида маълум қилди.

“Эронга қаранг, Шимолий Кореяга қаранг, Венесуелага қаранг, Кубага қаранг, Россия шу томонга қараб кетяпти”, — дея Рогофф сўзларини келтирган РБК. Профессор, шунингдек, унинг фикрича, Россия келажакда “гигант Эрон”га айланиши мумкинлигини ҳам қўшимча қилди.

Рогофф, шунингдек, халқаро санкциялар Россияда режим ўзгаришига олиб келишига умид билдирди. Унинг сўзларига кўра, санкциялар кумулятив таъсирга эга бўлиб, бу вақт ўтиши билан ўзини намоён қилади. «Агар санкциялар узоқ вақт ушлаб турилса ва уларни яна кучайтириб борилса, улар ишлайди», деди у.

Бундан ташқари, Рогоффнинг айтишича, Ғарб давлатлари ҳатто Украина ҳарбий жиҳатдан ғалаба қозонган тақдирда ҳам санкцияларни узайтириш ҳақида ўйлашлари керак.

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг