Тихановская Европа Иттифоқидан Беларуссиядаги сайловлар натижасини тан олмасликни сўради

0
1375
Фото: Sviatlana Tsikhanouskaya Headquarters/Handout via REUTERS

Ҳозирда Беларуссияда президентлик сайловлари туфайли тартибсизликлар юз бераётганидан хабарингиз бор. Беларус халқи ўзининг 26 йиллик етакчиси Александр Лукашенконинг ҳукуматдан кетишини хоҳламоқда.

Лукашенконинг асосий рақиби бўлган Светлана Тихановская сайловлардан кейин оиласи хавфсизлигини ўйлаб Беларуссияни тарк этган.

Лекин, Тихановская Литвадан туриб видеомурожаатлар йўллаб, халқни ҳукуматга қарши намойишларни давом эттиришга ундамоқда. Собиқ инглиз тили ўқитувчиси Тихановская ўзи йўллаган мурожаатларидан бирида Беларуссияни бошқаришга тайёрлигини ҳам маълум қилган.

Тихановская ўзининг 19 августда қилган видеомурожаатида Европа Иттифоқидан Беларуссия халқининг танловини ҳурмат қилишни ва бўлиб ўтган сайловлар натижасини тан олмасликни сўради. Унинг сўзларига кўра, Лукашенко бу сайловларда ғирромлик билан ғалаба қозонган. Лекин,Лукашенко бу даъволарни рад этган ва ўзининг ҳақиқатда 80 фоиз овоз олганини таъкидлаган.

Ҳозиргача дунёнинг бир қатор мамлакатлари Беларуссиядаги президентлик сайловлари натижасини тан олмаган. Улар қаторида АҚШ ҳам бор.

Маълумот учун, Александр Лукашенко бир неча кун аввал халқ олдида қилган нутқида қайта сайловлар ўтказилмаслигини таъкидлаган. У конституцияга ўзгаришлар киритиш бўйича референдум ўтказилганидан кейингина ҳукуматни тарк этиши мумкинлигини айтган.

Манба

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг