Германияда коронавирусга қарши вакцинация 2021 йилнинг январида бошланади

0
1744
Фото: John MacDougall/Pool via REUTERS

Германиядаги вакциналарни тартибга солиб турувчи орган раҳбари Клаус Сичутекнинг айтишича, мамлакатда коронавирусга қарши эмлаш ишлари кейинги йилнинг бошидан бошланиши мумкин.

Бугунги кунга келиб дунёда коронавирусдан вафот этганлар сони қарийб 800 000 га етди ва у дунё иқтисодиётига жуда катта талофат келтирмоқда.

Ҳозирда дунё бўйлаб коронавирусга қарши ишлаб чиқилаётган вакциналарнинг ўнга яқини охирги клиник синовлардан ўтказилмоқда ҳамда бу синовларда минглаб одамлар қатнашмоқда. Мутахассислар ўзларининг вакциналари CОVID-19 қарши иш бериши ва уларнинг инсон саломатлиги учун хавфсиз эканлигини шу йилнинг охиригача аниқлашни режалаштирмоқдалар.

Пол Эрлих Институтининг раҳбари Клаус Сичутекнинг сўзларига кўра, Германияда яратилаётган баъзи вакциналар синовларнинг биринчи ва иккинчи босқичидан муваффақиятли ўтди.

“Агар синовларнинг учинчи босқичи ҳам вакциналарнинг самарадор ва хавфсиз эканлигини кўрсатса, мамлакатдаги биринчи вакцина кейинги йилнинг бошида маъқулланиши мумкин. Ишлаб чиқарувчиларнинг кафиллиги билан вакцинанинг биринчи дозаси 2021 йилнинг бошида германияликларга етказилиб берилади” дейди Сичутек.

Сўнгги ҳафталарда Германияда коронавирус билан касалланиш ҳоллари кўпайди. Роберт Кох Институтининг маълумотларига кўра, Германияда 19 августга келиб коронавирусга чалинганларнинг сони 226 914 тага етган.

Дунёдаги вакцина ишлаб чиқарувчи бир қанча компаниялар, хусусан, Moderna, AstraZeneca ва Pfizer Inc ҳар йили 1 миллиярд дозада вакцина ишлаб чиқаришни режалаштираётганларини маълум қилишган. Германиянинг биотехнология компанияси CureVac ўзининг истиқболли вакцинасининг тезкорлик билан маъқулланишини кутмаяпти ва вакцинани 2021 йилнинг ўрталарига тайёр бўлишни айтмоқда.

Россия эса ўзининг вакцинаси шу ойнинг охиригача оммага таништирилишини айтган.

Манба

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг