Хитойнинг бир қатор шаҳарларида оммавий норозилик намойишлари бўлиб ўтмоқда, деб хабар бермоқда Reuters. Бунга баъзи шаҳарларда август ойидан бери давом этаётган COVID-19-га қарши қаттиқ чекловлар ва Шинжон-Уйғур автоном вилоятининг Урумчи шаҳридаги ёнғин сабаб бўлган.
Шу вақт ичида баъзи ҳудудларда аҳолига ўз квартираларини тарк этиш деярли тақиқлаб қўйилган. Урумчи шаҳридаги турар-жой биносида 24 декабр куни ёнғин содир бўлиб, 10 киши ҳалок бўлган эди. Бино аҳолиси карантинда эди. Ижтимоий тармоқларда айнан чекловлар туфайли қурбонлар уйдан чиқа олмагани ҳақида маълумот тарқалди. Расмийлар буни рад этишмоқда.
Шанхайда ҳам намойишчилар ҳукуматга қарши сиёсий шиорларни илгари сура бошлади. Ярим тунда намойишга 300 га яқин одам тўпланган. Одамлар “Си Цзинпин, кет!” ва “Коммунистик партия, кет”, деган шиорлар билан ҳайқиришган ва деб хабар беради ББC. Кўплаб намойишчилар қўлларида Хитой цензурасига бўйсунмаслик рамзи бўлган оқ варақларни ушлаб туришган. Полиция оломонни тарқатиш учун газ баллонларидан фойдаланган.
Хитойда COVID-19 учун “нол бардошлик” сиёсати мавжуд. Бу шуни англатадики, вирус тарқалишини чеклаш мақсадида касалланганлар билан алоқада бўлганлар учун блокировка ва мажбурий карантин каби чоралар кўрилмоқда. Шу билан бирга, ноябрь ойи бошида мамлакат ҳукумати чора-тадбирлар бироз юмшатилгани, хусусан, мамлакатга келганлар учун ўзини изоляция қилиш муддати қисқартирилганини эълон қилди.
Uzbek