АҚШ Сенатидаги Демократиклар раҳбари Чак Шумер шанба куни Трамп маъмуриятининг олигарх Олег Дерипаска билан боғлиқ учта Россия компаниясига қарши санкцсияларни бекор қилиш ҳақидаги қарорини маъқулламаслик учун овоз беришини айтди. Бу хақда Reuters хабар бермоқда.
“Мен молия департаментининг таклифи нотўғри ва Олег Дерипасканинг ушбу компаниялари назоратини ва таъсирини чеклаб қўйишга қодир эмас деган хулосага келдим. Шунингдек Сенат, Трамп администрацияси томонидан бундай нотўғри ҳаракатларни тўхтатиши ва санкцияларни сақлаб қолиш учун ҳаракат қилиши керак», деди Шумер.
АҚШ Ғазначилиги 20 декабрь куни Дерипасканинг асосий фаолиятига апрель ойида қўлланилган санкцияларни бекор қилишини эълон қилди. Жумладан, альюминий гиганти ҳисобланган Rusalга, унинг энг асосий компанияси ҳисобланган En + ва EuroSibEnergo энергетика компаниясига, Москва томонидан 2014 йилда Қримни аннексия қилиниши муносабати билан қўйилган энг кескин санкцияларни бекор қилмоқчи.
Санкцияларни киритиш ортидан, Европа ҳукуматлари томонидан лоббилаштирилгандан сўнг, Вашингтон санкцсиялар қўллашни кейинги қолдириди ва Дерипасканинг жамоаси билан , агар у Русални назорат қилишдан воз кечса, Русал ва En + дан санкцияларни олиб ташлаш бўйича музокара ўтказишни бошлаган.
Ҳужжатларда кўринишича, Кремль билан яқин алоқада бўлган тадбиркор, шунингдек Трампнинг собиқ иш бошқарувчиси Пол Манафорт билан алоқалар ўрнатган.
ФҚБ агентининг ёзма баённомасида, бу йил бошида, Манафорт ва унинг рафиқаси назоратидаги компания учун солиқ декларациясини кўриб чиққанлиги, 2017 йилги қидирув варақасига қўшилган изоҳида, Дерипаска номи билан аниқланган Россиялик кредит берувчидан 10 млн олингани кўрсатилган.
Пайшанба куни АҚШ молия вазири Стивен Мнучин Трамп маъмурияти Дерипаска билан боғланган компанияларда қаттиқ назорат ўтказишни талаб қилди.
Мнукиннинг айтишича, агарда шартларга риоя қилинмаса, фирмалар яхши бўлмаган оқибатларга дуч келиши, уларга нисбатан санкциялар такроран қўлланилиши мумкин.
Шумернинг айтишича, Дерипаскани Манафорт билан потенциал равишда алоқаси борлигини инобатга олиб, бунинг устига махсус маслаҳатчи Роберт Мюллер томонидан Трампнинг Россия билан муносабатларига доир тергови ҳали ниҳоясига етгани йўқ: «Бу эса санкциялар ўз кучида қолдирилиши керак деганидир».
Ғазначилик резолюциясини маъқулламаслик тўғрисидаги қарорини қабул қилиш Вакиллари палатасидаги кўпчиликни ташкил қилувчи демократлар томонидан ёқлаб овоз бериш талаб этилса, худди шундай Трампни партиядошлари бўлган сенатдаги республикачилар томонидан ҳам ёқлаб овоз берилиши керак бўлиб, қайсики улар Трампнинг сиёсатини бузиш эҳтимоли жуда оздир.
Uzbek