Шу ҳафта ўз оиласини тарк этган ва бунга сабаб ҳаёти ҳавф остидалигини таъкидлаган 18 ёш саудиялик ўсмир қизга Канада сиёсий бошпана берганидан сўнг, шанба куни Торонтога етиб келди. Уни Канада ташқи ишлар вазири Кристиа Фриленд (Сhristia Freeland) кутиб олди, деб ҳабар бермоқда Reuters агентлиги.
Шу ҳафта, ўзига зиён етишидан қўрқиб, оиласига қайтариб юборишларини истамаган ва Бангок аэропортининг меҳмонхона номерида қамалиб олган Рафаф Муҳаммад ал-Қунун дунё ҳамжамияти эътиборига тушган эди. Қунун Саудия Арбистонига қайтариб олиб кетиши мумкинлиги учун отаси ва акаси билан учрашишни ҳоҳламаган.
Қунун яхши кайфиятда Торонтонинг Пирсон аэропортига “КАНАДА” сўзи туширилган ҳууди ва кўк рангли UNHCR(Бирлашган Миллатлар Ташкилотининг Қочоқлар Бўйича Олий Комиссарилиги) ёзуви туширилган кепкада етиб келди.
Қунунни аэропортда қабул қилган Фрееланд, мухбирларга айтишича, Қунун «жуда жасур янги Канадалик».
“Рафаф, канадаликлар уни янги уйига келганини кўришларини ҳоҳлайди. Лекин у жуда узоқ саёҳат қилган, шунинг учун у журналистлар саволларига бугун жавоб бера олмайди. Ҳозир у янги уйига бориши керак” дейди Фриленд.
Қунун халқаро аэропортнинг қабул қилиш залида ОАВ вакилларига қўлини силкитган, лекин улар билан суҳбатлашмаган. Оз фурсатлик кўриниш бергандан сўнг, Қунун терминалга қайтиб кириб кетган.
Дастлаб Австралиядан бошпана излашни истаган Қунун, унинг ўрнига Канадани танлади, чунки австралияликлар унга бошпана бериш-бермаслик масаласини жуда узоқ кўриб чиқишган.
«(Австралия) жуда кўп вақт олди. Шунинг учун ҳам Канадага бордим «, деди у Рейтерс ахборот агентлигига берган интервьюсида. Жума куни Қунун Бангкокдан Сеулга, кейин эса Торонтога учиш учун парвозларни амалга оширди.
Қунун ишига эътибор қаратган Инсон ҳуқуқларини ҳимоя қилувчи гуруҳларнинг фикрига кўра, Саудия Арабистонининг қатъий ижтимоий қоидалари, шу жумладан, аёлларнинг эркаклар учун «васийлик» рухсатига эга бўлиши талаби кенг тарқалганлигини, аёллар ва қизларни ноқулай оилаларда қамоқда сақлангандек сақланишларига олиб келмоқда.
Қунун бир ҳафта олдин Бангкокга келди ва дастлаб уни қабул қилишдан бош тортишди. У Бангкокнинг Суварнабхуми аэропортидаги транзит зонасида Твиттер хабарларини эълон қила бошлади ва у «Қувайтдан қочиб кетганини» ва Саудия Арабистонига қайтишга мажбур бўлган тақдирда, унинг ҳаёти хавф остида қолишини айтди.
Бангкокдаги аэропортда 48 соат давом этган қаршиликдан сўнг, мамлакатга киришга рухсат берилди ва Бирлашган Миллатлар Ташкилоти Қочоқлар Бўйича Олий Комиссарияти (UNHCR) уни қочқин мақомини тан олди.
Бир неча соат ичида Твиттернинг фаол фойдаланувчилари томонидан #SaveRahaf деб аталган кампания бошланган эди.
Uzbek