Россиянинг коронавирусга қарши вакцинаси Спутник V нинг ҳозиргача ўтказилган тестларда қайд этилган самарадорлик даражаси 92 фоизни ташкил этди. Бу ҳақида Россия соғлиқни сақлаш вазирлиги баёнот берган.
Россия вакцинаси тажрибаларининг муваффақиятли натижа қайд этганлиги ҳақидаги хабар Американинг Пфизер фирмаси ва Германиянинг BioNTech компанияси билан ҳамкорликда ишлаб чиқарилган вакцинанинг 90 фоиз самарали эканлиги ҳақидаги хабарлар тарқалганидан икки кун ўтгач пайдо бўлди.
Россия, Белорусия, БАА ва Ҳиндистондан 40 минг киши иштирок этган Спутник препаратининг синовлари ҳозирда давом этмоқда.
Вакцинани ишлаб чиқишни назорат қилган Россиянинг тўғридан-тўғри инвестиция жамғармаси (РДИФ) ва Москвадаги Гамалея эпидемиология ва микробиология илмий-тадқиқот институтининг баёнотида айтилишича, ушбу препарат «юқори самарадорликни намойиш этмоқда». Ҳозирда Спутник V нинг 3-босқич синовлари давом этияпти.
Uzbek