16 июлга келиб Россияда коронавирусга чалинганлар сони 752 797 кишига етди.
Расмийлар мамлакатда 15 июль куни 6428 кишига CОVID-19 ташхиси қўйилганини хабар қилишган. Ҳозирда Россия коронавирус тарқалиши бўйича дунёда тўртинчи ўринда турибди.
Шунингдек, ҳукумат томонидан кунлик бериб бориладиган статистикада айтилишича, Россияда ўтган 24 соат ичида 167 киши CОVID-19 туфайли оламдан ўтди. Бу билан қурбонларнинг умумий сони 11 937 кишига етди. 531 692 киши бу инфекциядан тузалган бўлиб, айни пайтда 209 168 киши даволанмоқда.