Россияда ҳукуматга қарши бўлган ва маълум муддат ҳибсда сақланган намойишчилар яна кўчаларга чиқиб марш уюштиришга тайёрликлари ва ўзларидаги ҳукуматдан қўрқиш ҳиссини йўқотганларини таъкидлашмоқда.
17 январда Россияга қайтган Алексей Навалний ўша куниёқ ҳибсга олинганди. Шундан кейин бутун Россия бўйлаб юз минглаб одамлар кўчага чиқиб, Навалнийнинг озод қилинишини талаб қилишди. Сўнги бир неча ҳафталарда юз берган ушбу намойишларда 11 мингдан ортиқ одам ҳибсга олинганди.
Навалний иттифоқчилари илиқ об-ҳаво келгунига қадар норозилик намойишини тўхтатиб, кузда бўлиб ўтадиган парламент сайловларида катта ютуқларга эришишга ҳаракат қилишларини айтмоқдалар.
«Биз курашишни давом эттиришимиз керак, бизни қўрқитишнинг иложи йўқ. Бу ерда ажойиб одамлар сақланмоқда. Улар бу ерда эканликларида ўзларининг ишончларини мустаҳкамладилар. Ҳокимият раҳбарларининг бизни бир жойга тўплашлари хато эди» дейди 32 ёшли Артем Медведев Москвадан яқинидаги қамоқхонадан беш кунлик жазони ўтаб чиқар экан.
Россия ҳукуматининг айтишича, келгусида уюштириладиган ҳар қандай норозилик намойишлари, агар расмийлар томонидан олдиндан рухсат этилмаган бўлса, ноқонуний ҳисобланади ва намойишчилар худди шу тарзда ҳибсга олинади.
Ҳибсга олинган намойишчилардан бирининг отаси Борис Крит қамоқхона ташқарисида ўғлининг озод қилинишини кутаётганда шундай деди:
«Қиш сизларники бўлди, аммо, баҳор бизники бўлади. Полициянинг қилаётган қаршиликлари одамларнинг ғазабланишига олиб келади. Ҳозирги янги авлодда қўрқув йўқ.”
Uzbek