Трамп томонидан танқид қилинаётган тўрт нафар демократ аёл Трампни ирқчиликда айблашмоқда, дея хабар бермоқда The Guardian.
Дональд Трампнинг ирқчилик кайфиятида айтилган гапларидан “жабр кўрган” тўрт нафар қора танли Конгресс аъзолари, АҚШ президентини «миллатчи” сифатида айблади ва америкаликларни унинг “қармоғига илинмасликлари»га чақиришди.
Капитолияда ўтказилган қўшма матбуот конференциясида Конгресс аъзолари Трампнинг иммигрантларни «жиноятлар билан касалланган» мамлакатларига қайтишлари кераклигини айтгандан кейин чиқиш қилишди.
Миннесоталик Илҳом Омардан ташқари барча аёллар АҚШда туғилганлар. Омар 12 ёшида АҚШга қочқин бўлиб келган ва беш йилдан сўнг АҚШ фуқаролигини олган. Уларнинг барчаси Демократик партиянинг илғор аъзолари ва чап қанот сиёсати тарафдоридир.
«Биз президентни Конституциямизни мазах қилишига йўл қўймаслигимиз керак», деди Илҳом Омар.
Якшанба куни, Трамп, исми ёзилмаган номаълум «прогрессив» Конгресс Демократларига қарши твит қолдирган, твитда у, уларни «бутунлай вайрон қилинган ва жиноятларга тўла» мамлакатларига қайтиб кетишларини ёзган.
Трампнинг сўзлари ирқчилик ва ксенофобия сифатида қораланган.
«Биз ҳаммамиз биламизки, президентдан келган твит ва сўзлар унинг ирқчи ва ксенофобия ўйинларининг давоми», – деди аёллардан бири.
«Бизни бундай нохуш ҳаракатлар маъмуриятни жавобгарликка тортишдек муҳим ишлардан чалғитиши мумкин эмас», дея қўшимча қилади у.
Конференция давом этар экан, Трамп Твиттерда қуйидаги хабарларни эълон қилди:
«Биз ҳеч қачон социалистик ёки коммунистик давлат бўламаймиз, агар бу ерда бахтли бўлмасангиз, сиз кетишингиз мумкин! Бу ёлғиз сизни танловингиз! Баъзи одамлар бизнинг мамлакатимизни ёмон кўришади «, деб ёзди у.
Uzbek