Лукашенко қўшимча қилиб, президентлик сайловларидан кейин Минскга нисбатан Ғарб томонидан босим ўтказила бошлаганидан сўнг, Россия ва Белоруссия президентлари бундан сабоқ олишгани ҳақида гапирди.
Белоруссия Президенти Александр Лукашенко белоруслар ва русларнинг умумий илдизига эгалигини ва улар ягона «Ватанни Брестдан Владивостокгача» сақлаб қолишларини айтди.
Барановичи шаҳридаги журналистларга берган интервьюсида у оҳирги пайтларда Москва билан Минск ўртасидаги муносабатлар совуқлашиб кетганини тан олди ва бу ҳақда у Беларус халқи ва парламентига қилган мурожаатида ҳам таъкидлаб ўтган эди. «Сайловдан олдинги мурожаатимда мен шундай дегандим: бугун сиз бизни шерик деб атаяпсиз. Биродарлар эмас, балки шериклар бўлиб қолдик. Афсус! Буни Кремлда ҳам, ҳамма жойда эшитишди. Биз бугун биродармиз», – дея БелТА ахборот агентлиги Белоруссия президентининг сўзларини келтирмоқда.
Шу билан бирга, Лукашенко президентлик сайловларидан кейин Минскга нисбатан Ғарб томонидан босим ўтказила бошлаганидан ва унинг ортидан бошланган қаршлик намойишларидан сўнг, Россия ва Белоруссия президентлари бундан сабоқ олишгани ҳақида гапирди.
«Биз президент (Россия – ТАСС изоҳи) билан аллақачон шундай хулосалар келдик”, – деди Лукашенко.»Ва улар нима дейишидан қатъий назар, бизнинг минбарлардан туриб нималар дейишидан қатъи назар, биз ўзимизнинг умумий Ватанимизни сақлаб қоламиз. Икки халқ бир илдиздан бўлган, бизнинг умумий Ватанимиздир. Бу Ватан Брестдан Владивостокгача», деди Лукашенко.
Шунингдек, сешанба куни Белоруссия президенти вазият қандай ривожланмасин, расмий Минск кўпвекторли сиёсат олиб боришга мажбур эканлигини айтди. Шу билан бирга, Лукашенко унинг мамлакати ҳеч қачон Россиядан юз ўгирмаганлигини қўшимча қилди ва мамлакатининг Ғарб билан ҳамкорликка юзини буриши ҳақида версиясини кимларнингдир ихтироси деб атади. У АҚШ ва Европага, шу жумладан нефть етказиб бериш масаласида мурожаат қилганини тушунтирди, чунки у Россияни бу борада тушунолмаган, лекин шу билан бирга Белоруссиянинг омон қолишини таъминлаши керак бўлган экан.
Uzbek