Италияда бир кун ичида рекорд даражадаги миқдорда коронавирус билан касалланган беморлар соғайди

0
2199
Фото: EPA

Италияда бир кун ичида коронавирус инфекциясидан вафот этган беморларнинг сони юқори бўлиб қолмоқда: охирги 24 соат ичида 575 киши вафот этган.

Италияда, ўтган кун давомида 2563 нафар COVID-19 ташхиси қўйилган бемор тузалди, дея хабар беради Соғлиқни сақлаш вазирлиги сайтида.

La Repubblica таъкидлашича, бу эпидемия бошланганидан бери бир кунда шифо топган одамларнинг максимал миқдоридир. Италияда жами 42 727 киши коронавирусдан даволанган.

Касалликдан вафот этганларнинг умумий сони 22745 кишига етди (ўтган бир кун ичида 575 киши вафот этган; олдинги кунга нисбатан 50 тага кўп).

Италияда жами 172 434 та коронавирус инфекцияси билан боғлиқ холат қайд этилди, 106 962 киши касал бўлишда давом этмоқда: 76 778 киши уйда изоляцияда (+1586), 26 893 киши симптомлар билан касалхонага ётқизилди (-1107), 2936 реанимация бўлимида (-124).

Шундай қилиб, La Repubblica ёзишича, ўлимдан ташқари, Италияда барча кўрсаткичлар бўйича ижобий динамика мавжуд.

COVID-19 коронавирусининг авж олиши 2019 йилнинг декабрь ойида Хитойнинг Уҳань шаҳридан бошланди. 11 март куни Жаҳон соғлиқни сақлаш ташкилоти коронавирус пандемияси тарқалганлигини эълон қилди. АҚШдаги Жон Хопкинс университетининг 17 апрель куни берган маълумотига кўра, дунёда бу касалликка чалинганларнинг умумий сони 2,19 миллиондан ошган, улардан 149 минг киши вафот этган, 560 мингдан ортиғи тузалиб кетган.

Манба

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг