Канада Бош Вазири Жастин Трюдонинг таъкидлашича, Россия халқаро қоидаларни ҳурмат қилмай келаётган давлатдир ва буни шундайлигича қолдириб бўлмайди.
Канада бош вазири Жастин Трюдо АҚШ Президенти Доналд Трампнинг Россияни АҚШда бўлиб ўтадиган Г7 саммитига таклиф қилиш ҳақидаги ғоясини қатъиян рад этди. У бу ҳақда National Post газетасига маълум қилган.
Трюдо ўз навбатида 2014 йилдаги Қрим аннексиясини ва Россиянинг шу муносабат билан гурҳдан чиқариб юборилганини эсга олган. Канада Бош Вазирининг сўзларига кўра, ўша вақтдан буён кўп нарса ўзгармаган ва Россия ҳамон халқаро майдондаги вайрон қилувчи кучдир.
«Россия бир неча йил олдин Қримни босиб олганидан кейин «Катта еттилик» таркибидан чиқариб юборилган. Ва у халқаро қоидалар ва қоидаларга ҳурматсизликни давом эттирди, бу эса унинг очиқчасига Г7 рамкасидан ташқарида эканлигини англатар эди. Россия ўзгаргани йўқ ва у ҳамон бизнинг чегараларимиздан ташқаридадир», дейди у. (Матн Reuters га иқтибосан келтирилмоқда).
Маълумки, бироз муддар олдин Трамп Россияни Г7 саммитига таклиф қилишни режалаштираётганини эълон қилди. Саммитда Россиядан ташқари, президентнинг фикрига кўра, Ҳиндистон, Австралия ва Жанубий Корея ҳам қатнашиши мумкин. Бундан ташқари, Америка етакчиси иштирокчи давлатлар учрашувини камида сентябргача қолдиришни ният қилганини айтди.
Эслатиб ўтамиз, жорий йилнинг 1-июнь, душанба куни Трамп Россия етакчиси билан бўлган телефон орқали мулоқот чоғида чоғида Россияни саммитга таклиф қилиш ғоясини маълум қилган.
Uzbek