Душанба куни Греция полицияси мамлакат шимолидаги автомагистралда музлатгичли юк машинасида яширинган 41 та муҳожир борлигини аниқлади. Муҳожирларнинг кўпчилиги афғонлар бўлиб, улар жабрланмаган.
Ҳозирги кунда Греция қочоқлар борасида муаммога дуч келмоқда. 2015 йилдан бери Греция орқали Туркиядан Европага бир миллиондан ортиқ одам ўтган. Айни пайтда 34 мингга яқин бошпана изловчилар ва қочоқлар Грециянинг Эгей оролларидаги лагерларда сақланмоқда.
Эслатиб ўтамиз, ўтган ойда Вьетнамлик 39 нафар муҳожир Лондон яқинида музлатгичли юк машинасида ўлик ҳолда топилган эди.
Uzbek