Францияни «сариқ жилетлар» норозилик намойишлари билан тебратиб юборди

Норозиликлар француз иқтисодиётига, жумладан, туризмга жиддий салбий таъсир кўрсатди, дея хабар беради Анадолу.

Францияни «сариқ жилетлар» норозилик намойишлари тебратиб юборди, унинг оқибатида 10 киши ҳалок бўлди ва мингдан ортиқ одам жароҳатланди.

Бугунги кунгача деярли олти минг киши қўлга олинган, мингдан зиёди ҳибсга олинган.

Намойишлар Франция иқтисодиётига, шу жумладан, туризм соҳасига жиддий равишда салбий таъсир кўрсатди.

Ёқилғи нархининг кўтарилишига қарши норозилик намойишлари билан бошланган «сариқ жилетлар» ҳаракати, кейинчалик Франция президенти Эммануэл Макроннинг истеъфосини талаб қиладиган оммавий тартибсизликларга айланди ва икки ойдан буён давом этмоқда.

Ҳукумат бор кучи билан тўхтатишган уринаётган норозиликларнинг оқибатлари, Франция учун жуда ачинарли кечмоқда.

Франция ҳукумати норозиликларга чек қўйиш учун баъзи бир ваъдаларни берган бўлса-да, «сариқ жилетлар» 2018 йил 17 ноябридан бери давом этаётган норозиликларини тўхтатишга қарор қилмагандай кўринади.

Шундай тарзда, Франциядаги тартибсизликлар 10-ҳафтадан бери  давом этмоқда ва мамлакатнинг иқтисодий кўрсаткичлари пасайиб бормоқда.

Франция статистика ва иқтисодий тадқиқотлар институти (INSEE) маълумотларига кўра, Европанинг иккинчи йирик иқтисодиёти ҳисобланган- Франция иқтисодиётининг ўсиши тўртинчи чоракда “сариқ жилетлар”нинг намойиши туфайли кутилганидан паст бўлади.

2018 йил бошида INSEE Франция иқтисодиётининг 0,4 фоизга ўсишини тахмин қилган эди, бироқ иккинчи чоракдаги прогнозида 0,3 фоизга туширди.

Ўтган йил охирида INSEE, Франция ялпи ички маҳсулотининг ўсиши учун прогнозни 0,2 фоизга туширди. Шундай тарзда, француз иқтисодиётининг ўсишининг умумий истиқболи 1,7 дан 1,5 фоизгача пасайган.

Ўтган ҳафтада институтнинг билдиришича, 2018 йил декабрда Парижда халқаро парвозлар сони «сариқ жилетлар»нинг норозиликлари туфайли 5-10 фоизга пасайган.

Савдогарларга етказилган зарар туфайли 58 минг киши ишсиз қолди, бу борада давлат бюджети учун зарар 32 миллион Еврони ташкил этди.

Франция суғурта жамиятлари федерациясига (Federation Francaise des Societes d’Assurances) кўра, 2018 йил 17 ноябрдан бери норозилик намойишлари автоуловлар, офислар ва уйларга зарар етказган. Жами зарар 100-200 миллион Еврога баҳоланмоқда.