Душанба куни расмий Анкарани такрорий огоҳлантиришларга қарамай Кипрда бурғулаш ишларини давом эттиргани сабабли Европа Иттифоқи Туркияга қарши сиёсий ва молиявий санкцияларни қабул қилди. Бу ҳақида Arab News хабар бермоқда.
Ташқи ишлар вазири Федерика Могерини, иттифоққа аъзо давлатларининг ташқи ишлар вазирлари билан учрашувдан сўнг журналистларга берган баёнотида, «Туркия бўйича хулосалар қабул қилинди ва келгуси соатларда улар омма эътиборига ҳавола этилади.»- деди.
Энг жиддий чоралардан бири, 2020 йилга қадар Туркияга ажратилган Европа фонди пулларини 145,8 миллион евро (164 миллион доллар) миқдоригача камайтиришдир.
Ўтган ой Европа Иттифоқи Туркияга, агар Кипрнинг махсус иқтисодий ҳудудида ноқонуний бурғулаш ишларини тўхтатмаса, санкцияларга дуч келиши мумкинлиги ҳақида огоҳлантирган эди.
Uzbek