Крикет бўйича жаҳон чемпианатида Англия драматик тарзда ўтган финалда Янги Зеландияни мағлуб қилди.
Бироқ, крикетчи Мойин Али ва Адил Рашидлар шохсупада шампан ичимлиги сепиш маросимини тарк қилгани учун бутун дунё эътиборини тортди.
Адил Рашид ва Мойин Али сингари мусулмонлар спиртли ичимлик ичмайдилар. Мусулмонлар ва Исломга яқин бўлган бошқа мухлислар учун уларни ҳаракатини тушуниш қийин эмас.
Дунё бўйлаб юз миллионлаб инсонлар кузатаётган бундай ажойиб вақтда ўйинчиларнинг диний тамойилларига амал қилишлари кўпчилик учун алоҳида аҳамият касб этди.
«Баракалла Мойин Али ва Адил Рашид… Сиз динингизга ҳурмат бажо келтиряпсиз», деб ёзган Ҳиндистонлик муҳлис Рушираж ўз Твиттерида.
Ҳамдан Суфи Пател исмли яна бир фойдаланувчи, ўйинчиларга Твиттерда мурожаат қилиб, шундай деб ёзди: «Сиз байрам давомида ўзингизни тутган йўлингизни ҳурмат қилдингиз. Карерангиздаги энг юқори нуқтада сиз ўз ахлоқингизни сақлаб қолдингиз. Жаҳон чемпионатида ғалаба қозонганингиз билан табриклаймиз.»
2016-йилда ГеоТВда Али шундай деган: «Ҳа, биз мусулмонлар қандай бўлиши керак ва қандай ҳаракат қилиш кераклигини билишимиз керак, бу катта масъулиятдир».
Уларнинг харакати нафақат крикет мухлисларига, балки уларнинг ҳамкасбларига ҳам таъсир кўрсатди.
Ирландияда туғилган Англия терма жамоаси сардори Эоин Морганга журналистлар «Ирландияликларнинг тилаган омадлари» Жаҳон Кубогида ғалаба қозонишга ёрдам бердими ёки йўқми, деб савол бергандан сўнг, у шундай жавоб берди: «Бизга Аллоҳ ёрдам берди. Мен Адил билан гаплашганимда, у: Аллоҳ биз билан бирга, деган эди”.
Uzbek