Жанубий Корея прокуратураси Samsung вице-президенти ва амалдаги раҳбари Ли Чже Ён ҳамда компаниянинг яна икки собиқ топ-менежерларини ҳибсга олиш тўғрисида суд қарорини талаб қилишмоқда.
Samsung вице-президентини акциялар нархларини манипуляция қилиш ва аудит тартибини бузишда айбланмоқда. Прокуратура маълумотларига кўра, Samsung -нинг 2015 йилдаги топ-менежерлари 2014 йилда касалхонага ётқизилган отаси Ли Гонг Хи дан Ли Чже Ёнгга конгломератни бошқариш имкониятини берадиган схемада иштирок этишган.
Прокуратура, шунингдек, Samsung Biotechnics фармацевтика компаниясининг катта қийматдаги нарх қўйилган бўлиши мумкинлигини текширмоқда.
Ли Чже Ёнгни бу иш бўйича аввал ҳам икки марта сўроқ қилинган, у ўзига қўйилган айбловларни рад этиб келган.
Ли Чже Ён 2017 йилда Жанубий Кореянинг собиқ президенти Пак Кин Хе билан боғлиқ мансабдор шахсларга пора берганликда айбланиб беш йилга озодликдан маҳрум қилинган эди. Ли Чже Ён жазодан бир йил ўтиб озод қилинган эди.
Uzbek