Hurriyet нашрининг маълум қилишича, жума куни кечқурундан бошлаб бутун Туркия бўйлаб комендантлик соати жорий қилинди. Бу ҳолатга Туркияда сўнгги ҳафталарда коронавирус билан боғлиқ касалланиш ва ўлим ҳоллари рекорд даражада кўпаяётгани сабаб бўлган.
Ҳозирги комендантлик соати душанба кунгача давом этади. Туркияда ўтган ҳафтадаги дам олиш кунларида ҳам шундай чеклов жорий қилинганди.
Ушбу чекловларга кўра, соғлиқни сақлаш, қишлоқ хўжалиги ва ишлаб чиқариш каби тармоқлар комендантлик соатларидан озод қилинди. Бошқа муассасалар эса фақат соат 10. 00 дан 17. 00 гача ишлашлари мумкин.
Туркияда ҳозиргача 1. 8 миллиондан ортиқ одам коронавирусга чалинган ва уларнинг 16 199 нафари вафот этган.
Uzbek