Буркина-Фасо олимлари безгакка қарши курашишнинг янги усулини ишлаб чиқишди. Улар минглаб генетик стерилизация қилинган чивинларни атрофга тарқатиш орқали бошқа чивинларни касаллик тарқатишининг олдини олишмоқчи.
Бу усул “Наслий ҳужум” деб номланиб, унда махсус стерилизация қилинган (насл бермайдиган) чивинлар атрофга тарқатилади. Улар бошқа касаллик тарқатувчи чивинлар билан қўшилиб, кейин улар орасида ўз генини тарқатади – бу ҳолда эркак чивинлар насл бермайди.
«Бизнинг вазифамиз чивинларни йўқ қилиш эмас. Бу тадқиқотда дунёдаги касаллик юқтирадиган 3500 дан ортиқ чивин туридан фақат учта асосий тур нишонга олинган. Мақсадимиз бу чивинларнинг зичлигини камайтириш», дейди тадқиқотчилар.
Сўнгги йигирма йил ичида Африкада касаллик тарқатувчи чивин ва бошқа ҳашаротларга қарши курашишга киритилган сармоялар безгакни камайтирди. Аммо, 2017 йилда безгак касаллиги сабаб бу қитъада 400000 дан ортиқ одам ҳалок бўлди. Жаҳон Соғлиқни Сақлаш Ташкилоти касалликка қарши кураш тўхтаб қолганини айтмоқда ва тадқиқотчиларни янги воситалар кашф қилишга ундамоқда.
Uzbek