Миср қуролли кучлари Синайнинг марказий ва шимолий қисмларида терроризмга қарши курашиш бўйича махсус операция ўтказди. Ўша ерда фаолият юритаётган экстремистик ташкилотнинг 13 нафар аъзоси йўқ қилингани маълум бўлди. Бу ҳақда TASS агентлиги армия қўмондонлиги баёнотига асосланиб хабар берди.
Аниқ бўлишича, жангарилар билан отишма пайтида бир нафар ҳарбий хизматчи ҳалок бўлган, яна тўққиз киши яраланган.
Республика қуролли кучлари жангарилардан кимёвий ўқ-дорилар, шунингдек, 13 та турли калибрли ўзиюрар милтиқ ва 20 та патронли журналларни тортиб олишга муваффақ бўлган. Бундан ташқари, ҳарбий дурбин, мобил телефонлар, компютерлар ва бир нечта валютадаги пуллар ҳам мусодара қилинган.
Таъкидлаш керак, бундан уч йил олдин Миср армияси ва Ички ишлар вазирлиги томонидан «Синай-2018» кодли антитеррор операцияси бошланган. Унда армия бўлинмалари, Ички ишлар вазирлиги ходимлари, шунингдек, чегара, ҳаво ва денгиз кучлари иштирок этган. Мазкур операцияда юзлаб жангарилар йўқ қилинди, ўнлаб полициячилар ва ҳарбийлар ҳам қурбон бўлган.
Uzbek