Буркина-Фасонинг қишлоқларидан бирига 28 январь куни жангарилар ҳужум уюштиришди ва унда камида 10 киши ҳалок бўлган, дея хабар беради АFP ахборот агентлиги.
«Халок бўлганлар сони 10 кишидан 30 кишига бўлиши мумкин. Хавфсизлик гуруҳлари бу ерга киришга ҳаракат қилмоқдалар, аммо қишлоққа кириш ҳудудига қўлбола миналар билан тузоқ қўйилган бўлиши мумкин. Шунинг учун улар эҳтиёткорлик билан ишлашларига тўғри келмоқда», – дейди хавфсизлик хизматининг ходими.
“Террористлар қишлоқ бозоридаги одамларни қуршаб олишди ва уларни икки гуруҳга ажратишди. Эркаклар қатл этилди ва аёлларга қишлоқни тарк этиш буюрилди” дейди яна бир манба.
Буркина-Фасо дунёдаги энг қашшоқ мамлакатлардан биридир. Сўнгги ойларда армия қўмондонлари 100 нафар жангарини ўлдирганликларини даъво қилишганига қарамай, унинг армияси яхши қуролланмаган ва душманларга қарши курашиш учун етарли салоҳиятга эмас.
Буркина-Фасода экстремистик гуруҳлар 2015 йил бошидан бери қарийб 800 кишини ўлдирди ва 600 минг кишини бошқа жойга кўчишга мажбур қилди.
Uzbek