Pfizer компанияси ўзининг коронавирусга қарши вакцинасидан фойдаланишга рухсат олиш учун Ҳиндистон ҳукуматига мурожаат қилди. Бу ҳақда ОАВ якшанба куни хабар тарқатган. Айни пайтда Ҳиндистон коронавирус тарқалиши бўйича дунёда АҚШдан кейин иккинчи ўринда турган мамлакат бўлиб, Pfizer бу мамлакатга вакцинасини олиб кирмоқчи бўлаётган дунёдаги илк компаниядир. “Яқинда Буюк Британия ҳукумати томонидан вакцинаси маъқулланган АҚШнинг Pfizer компанияси Ҳиндистоннинг гиёҳванд моддаларни назорат қилиш бош бошқармасига расмий ариза ёзди” деб хабар берди CNN-News18 ҳукуматдаги манбасига таяниб. Бундан аввал Ҳиндистон расмийлари умидларини Pfizer ва Moderna Inc томонидан ишлаб чиқарилган вакциналарга эмас, балки маҳаллий синовдан ўтган ваксиналарга боғлашларини айтишганди. Pfizerнинг вакцинасини ташиш ва сақлаш учун минус 70 даража ёки ундан пастроқ ҳарорат талаб этилади. Бу Ҳиндистондаги аксарият совуқ омборларда эришиш имконсиз бўлган ҳароратдир. Ҳиндистонда шу пайтгача 9, 57 миллиондан кўпроқ одам CОVID-19 касаллигини юқтириб олган ва уларнинг қарийб 140 минг нафари ўлган.
Uzbek