Япониянинг Нарита аэропортидаги самолётлар йўлаги оралиғида, ўз ер участкасини расмийларга сотишни истамаган бир деҳқоннинг шахсий уйи бор.
Аэропортга қўшни бўлган ҳудудларда қолиб кетган маҳаллий аҳоли, шовқиннинг кўпайгани учун компенсация олишни бошладилар, уйлари ободонлаштирилиб, изоляция қилинди, баъзи деҳқонлар ҳатто гуруч экишни давом эттиришди ва янги учиш-қўниш йўлагининг бошида товуқ катакларини ҳам сақлаб қолишди.
Бундай «ора-сиралар» нинг мавжудлиги аэропорт учун жиддий қийинчиликларни туғдиради, ҳатто шу сабабли қўшимча қўниш йўлакларини қуриш лойиҳасидан ҳам воз кечишга мажбур бўлинди.
Шунинг учун ҳам, бу уй билан боғлиқ 40 йилдан ортиқ вақт давомида суд жараёни тўхтамаган. Бу вақт ичида уйнинг эски эгаси вафот этди, аммо унинг ўғли, 63 ёшли Такао Сито бу ишни давом эттирмоқда.
Япониянинг халқаро йўловчи ташиш транспортининг кўп қисми Нарита орқали ўтади. Бундан ташқари, Нарита Осиёдан Шимолий ва Жанубий Америкага ва аксинча йўналишда йўловчилар учун транзит аэропорти ҳисобланади. Аэропорт Японияда йўловчилар ташишда иккинчи ўринда туради; юк айланмаси бўйича – Японияда биринчи ва дунёда учинчи ўринда туради.
Нарита Japan Airlines и All Nippon Airways авиакомпанияларининг асосий халқаро марказидир (хаби), шунингдек, АҚШнинг Delta Air Lines и United Airlines авиакомпанияларининг ҳам хаби ҳисобланади. Япония қонунларига биноан Нарита биринчи даражали аэропорт сифатида таснифланган.
Uzbek