Яқин кунлардан бери Хитойниг Вухан ҳудудида коронавирус тарқалиб келмоқда. Аввалроқ, бу вирус 17 кишини ҳаётдан олиб кетгани ва у Хитойдан ташқари бир нечта давлатларда, хусусан АҚШ ва Россияда ҳам аниқланганини хабар қилинганди.
Ушбу вирус 23 январь пайшанба куни Сингапурда ҳам аниқланди. Сингапур Соғлиқни сақлаш вазирлиги Вухан шаҳридан келган 66 ёшли эркакда вирус борлиги тасдиқлаган. У иситма ва йўтал сабабли касалхонага келган ва шундан сўнг дарҳол изоляция қилинган. Кейинчалик тест натижалари унинг коронавирус билан касалланганлигини тасдиқлади.Унинг шерикларидан бири -37 ёшли яна бир Вуханлик кишида ҳам касаллик борлиги гумон қилинмоқда.
Ҳозирча ушбу вирус Хитойдан ташқарида энг кўп қайд этилган мамлакат Таиланд бўлиб турибди ва бу ерда 4 кишида касаллик борлиги аниқланган. Бунга сабаб шуки, Таиландга энг кўп ташриф буюрувчилар гуруҳини Хитойлик сайёҳлар ташкил этади.
Маълумот учун, Хитой ҳукумати 11 миллион аҳоли истиқомат қиладиган ва коранавируснинг тарқалиш ўчоғи бўлган Вуҳан шаҳрига кириш ва чиқишни таъқиқлаган.
Uzbek