Эрта тонгда уйғонганингизда уйингиздаги музлатгични очасиз ва ундаги егуликларни тугаб бораётганлигини кўриб бозор учун рўйхат туза бошлайсиз. Аммо шундай одамлар борки музлаткичи бўлишини, уни маҳсулотлар билан тўлиб туришини орзу қилиб яшайдилар.
Наргиза онадан эрта етим қолди. Отасининг фарзандлари кўплигиданми ёки тақдирига битилган ризқнинг ҳамин қадар эканиданми, ёш қизча- Наргизанинг ҳам меҳнат қилиб рўзғор ташвишларини аритишда ёрдам бера бошлагани атрофдагиларни унчалик ҳайрон қолдирмади.
Отаси уни узатаётганда сепига беришга икки кўрпачадан бошқа нарсаси йўқ эди. Наргизанинг турмуш ўртоғи биринчи турмушидан ажрашган ва биринчи аёлидан узоқ йиллар фарзанди бўлмаганиданми ёки бошқа бир сабабми Наргизани урарди. Эри бироз муддат Қозоғистонда ишлаб келиб пулларини отасига бериб яна ишлагани қайтиб кетарди. Йиллар кетидан ойлар ўтди. Наргиза тўнғич фарзанди Самандарни дунёга келтирди.
Орада келиб кетиб турган эри мунтазам жанжал қилар, оила ва рўзғор учун масъулиятини унутиб қўярди. Икки йил ўтиб, иккинчи фарзандлари Азизбек туғилди. Наргизанинг қайнотаси уларни уйидан чиқариб юборишини айтади ва шу айтганини амалга оширишга киришади.
Қозоғистонда ишлаб келган Наргизанинг эри келгач улар қишлоқнинг чеккароғидан ер олиб ўзларига бир хонали уй соладилар.Бироз ҳаёти яхшилана бошланганидан мамнун бўлган Наргиза эрининг яна чиқарган уруш жанжалларига тоқат қила олмай қўшнисига ҳасрат қилади. Шунда қўшниси “Эринг менимча шундайлигича қолади, яхшиси ажраш, Тошкентга кет, у ерда яхши одамлар кўп, сенга ёрдам беришади” деб маслаҳат беради.
Оилавий жанжалларни тўхтатишга уринган маҳалла оқсоқоли ҳам унга ажрашиши тўғри йўл эканини айтади. Шундан сўнг икки боласини олиб Денов –Тошкент йўналишидаги автобусга ўтириб пойтахтга йўл олади.
Соддадил ва меҳнаткаш аёлнинг олдида турган машаққатли ҳаёти энди бошланганди. Автобус Тошкентга кириб келганда йўлда унга ҳамроҳлик қилган аёл баъзи маслаҳатларни беради.
Шундай қилиб қаҳрамонимиз шаҳар ташқарисида иссиқхона ташкил қилиб ўн ўн беш кишини ишлатаётган тошкентлик мўйсафид отахоннинг бир кичкина уйига жойлашади ҳамда ишчиларга ошпазлик қила бошлайди. У ерда беш йил ишлаган Наргиза уй эгасининг бекаси вафотидан кейин кетишга қарор қилади.
Икки боласи билан Қозоғистонга кетмоқчи бўлади. Юриб- юриб Ўзбекистон ва Қозоғистон чегарасига яқин жойлашган “Маданият” қишлоғига келиб қолади.
Қош қорайганда бошпана излаб битта мол боқиладиган ферма олдига келиб қолишади. Қўриқланмайдиган бу фермада тунаб қолишга қарор қилишади. Бу фермада уч кун қолиб кетишади. Орадан уч кун ўтиб фермани эгаси келиб қолади ва қараса икки болали аёл унинг бўшаб қолган ем хашак омборига ётар жой қилиб жойлашиб олибди.
Воқеанинг тўлиқ шаклини пастдаги қуйидаги видеода томоша қилинг:
Аёллар дафтарига киритилиш тартиби:
Ишга марҳамат моно марказ билан боғланиш учун контактлар:
☎️71 207-69-00 (112, 113, 114, 117).
? t.me/ishmh
Har bir fuqaro uchun xolis yordam…
Tel: 71 207 69 00 (124, 125)
Rasmiy sayt: https://monomarkaz.uz/
Facebook: https://www.facebook.com/Monomarkaz
Instagram: https://www.instagram.com/ishga_marhamat/
Ушбу материал USAID ташкилотининг лойиҳаси асосидаги CASSS дастури ёрдамида ёзилган.
Uzbek