Чоршанба куни АҚШ президентининг хавфсизлик масалалари бўйича маслаҳатчиси Болтон Украинанинг Хитой таъсиридан огоҳлантирди.
Гап шундаки, Хитой Украина аэрокосмик гигантини сотиб олишга уринаяпти. Болтон бу ҳаракатни Хитойнинг “қарз дипломатияси”, деб атади.
Май ойида Президент Владимир Зеленский ҳокимият тепасига келганидан кейин Украинага ташриф буюрган АҚШнинг биринчи юқори лавозимли расмий вакили Болтон Вашингтон бу келишувни маъқулламаслигини аниқ айтиб ўтди.
«Биз Хитойнинг адолатсиз савдо амалиётлари, Америка Қўшма Штатларида кўрган миллий хавфсизликка таҳдидлар ҳақида хавотиримизни баён этдик», деди у Киевдаги матбуот анжуманида.
“Хитойнинг таъсиридан эҳтиёт бўлинг!” дея қўшимча қилди у.
Uzbek