16 июль куни Хитой ҳукумати АҚШга мурожаат қилиб, Вашинтоннинг Пекинга бўлган сиёсатини қайта кўриб чиқишга чақирди. Хитой бу мурожаатида АҚШни ҳеч қандай рақобатга чорламаслигини ва унинг ўрнини эгалламоқчи эмаслигини таъкидлади.
Хитой Ташқи ишлар вазири Ҳуа Чунйингнинг матбуот анжуманидаги сўзларига кўра, агар АҚШ Хитойнинг ҳар бир қилган ишини ўзига нисбатан таҳдид деб билса, бу ҳақиқий муносабат эмас, балки Қўшма Штатларнинг ўзини ўзи қаноатлантириши бўлади.
Шунингдек, Ҳуа Чунйинг АҚШ давлат котиби Майк Помпеони Хитойга келиб, Шарқий Туркистондаги (Шинжон) уйғурларга ҳеч қандай зулм ўтказилмаётганини ўз кўзлари билан кўришни таклиф қилди.
Uzbek