АҚШнинг уйғурларга кўрсатган ёмон муносабати учун Хитой амалдорларига санкция қўллаш ҳақидаги қонуни Хитой ҳукуматининг терроризмга қарши ҳаракатларига очиқ туҳмат ва Хитойнинг ички ишларига қўпол равишда аралашиш ҳисобланади, дейди Хитой ташқи ишлар вазирлиги жума куни.
Шунингдек, Ташқи ишлар вазирлиги матбуот котиби Зао Лижиан АҚШни Шарқий Туркистондаги (Шинжон) муаммони рўкач қилиб, Хитойнинг ички сиёсатига аралашаётганликда айблади ва Қўшма Штатларни бу ҳаракатларни бас қилишга чақирди.
Эслатиб ўтамиз, АҚШ Конгреси 28 май куни “Уйғурлар ҳуқуқлари акти” деб номланган қонун лойиҳасини маъқуллаб, уни президент Дональд Трампга жўнатди. Ушбу қонунда уйғурларга зулм қилишда айбланган хитойлик амалдорларга нисбатан санкциялар жорий қилиш қайд этилган. Энди бу қонун кучга кириши учун Дональд Трамп уни имзолаши лозим.
Uzbek