Сешанба куни Хитой Ташқи ишлар вазирлиги Қўшма Штатларни Тайванга 2,2 миллиард доллар миқдорида қурол-яроғ сотишни тўхтатишга чақирди, хабар қилади Reuters агентлиги.
Бу ҳақда вазирлик матбуот котиби Генг Шуанг Пекиндаги кундалик брифингда маълум қилган.
Эслатиб ўтамиз, душанба куни АҚШ Давлат департаменти Тайванга М1А2Т Абрамс танкларини, Стинжер ракеталарини ва бошқа ҳарбий ускуналарни сотишини маълум қилган эди.