Туркиянинг Сурия ва Ироқ билан чегарадош бўлган жануби-шарқий қисмида уч турк аскари курд жангарилари билан бўлган жангда ҳалок бўлди. Бу ҳақда пайшанба куни маҳаллий ҳокимият вакиллари маълум қилди.
Чоршанба куни тўқнашув бўлган пайтда аскарлар Сирнакнинг Силопи шаҳри яқинида жойлашган Тurk Petroliy давлат энергия компаниясини қўриқлаётган бўлган. Тўқнашув бўлмасдан аввал бу ҳудудда жангарилар борлиги дронлар орқали аниқланган.
Сирнак губернаторининг ёзма баёнотида айтилишича, ушбу жангда ноқонуний бўлган Курдистон ишчилар партиясининг жангарилари зарарсизлантирилган.
Туркия, АҚШ ва Eвропа Иттифоқи томонидан террорчилик ташкилоти, деб ҳисобланувчи Курдистон ишчилар партияси 1984 йилда Туркия давлатига қарши қўзғолон бошлаган эди. Шу пайтгача тўқнашувлар сабаб 40 мингдан ортиқ одам ҳалок бўлган.