Қўшма Штатлар Президентининг қарори минтақада Россия ва Эроннинг таъсир кучайишига олиб келади
АҚШ президенти Дональд Трампнинг АҚШ қўшинларини Суриядан олиб чиқиб кетиш тўғрисидаги қарори Америка оммавий ахборот воситалари ва сиёсий доираларда зиддиятларга сабаб бўлди. Бухақда Анадолу агентлиги хабар бермоқда.
CNN телеканали кўрсатувида таъкидланишича, АҚШ қўшинларини Суриядан олиб чиқиб кетиш тўғрисида қарор қабул қилган Трамп, ўзининг миллий хавфсизлик бўйича маслаҳатчилари ва ҳарбий экспертларнинг нуқтаи назарини ҳисобга олмаган, чунки Суриядан қўшинларни олиб чиқишнинг ҳали вақти эмас ва мантиқсизликдир.
The New York Times газетасининг ёзишича, Қўшма Штатлар Президентининг Суриядан икки минг аскарни олиб чиқиш ва бу мамлакатдаги амалиётларнинг тўхтатилиши тўғрисидаги қарори минтақада Россия ва Эроннинг таъсирини кучайишига олиб келади.
«Трампнинг қарори Суриядаги Қўшма Штатларнинг иттифоқдоши бўлган YPG/PKKни хавф остига қўяди ва уларга қарши Туркия амалиётларни режалаштирмоқда», деб ёзади газета.
The Wall Street Journal газетаси муаллифларига кўра, Трампнинг қарори АҚШнинг Яқин Шарқдаги сиёсатини кескин ўзгартириб юборган.
The Washington Post газетаси ҳарбий манбаларга таяниб хабар беришича, Трамп ҳарбийларни олиб чиқиб кетиш қарорини қабул қилишда, Пентагон раҳбари Жеймс Мэттиснинг Сурияда кичик ҳарбий контингентини қолдириш бўйича тавсиясини ҳам инобатга олмаган.
Материаллар муаллифлари, Мэттис Трампнинг бу қароридан кейин истеъфога чиқиб кетиши мумкин деб ҳисобламоқдалар.
АҚШ Президенти Дональд Трамп бир кун аввал ДEАШ (ИШИД) террорчиларининг устидан ғалаба қозонганлигини эълон қилди. Бу эса, Суриядаги америкалик қўшинларнинг ўша ерда бўлиши учун ягона сабаб бўлган, деган эди Трамп.
Uzbek