АҚШ президенти Доналд Трaмп Оқ уйнинг ёпиқ мажлисида маълум қилишича, у НАТО иттифоқдоши Туркияга Россиянинг С-400 ҳаво ҳужумига қарши тизимини сотиб олгани учун санкция қўллашни истамайди.
Сешанба куни маълум бўлган Трампнинг Туркия бўйича позицияси республика сенати позициясига зид келади.
Улар президентга Россиянинг мудофаа саноати билан шуғулланадиган корхоналарга жазо белгилайдиган қонун ва Трамп 2017 йилда имзо чеккан «Санкциялар орқали Америка душманларига қарши курашиш тўғрисида»ги қонун асосида жазо чораларини қўлланилиши кераклигини таъкидлашмоқда.
Трамп бир неча бор Туркияни С-400 тизими учун жазолашни истамаслигини билдирган, буни ўтган ҳафта Анқарани Ф-35 қўшма дастуридан чиқариб юборгани ҳақида эълон қилганда билдирган.
Washington Post газетаси хабар беришича, Трамп санкциялар ўрнига Туркия билан музокараларни таклиф қилди, бу Сенат ташқи алоқалар қўмитаси раиси Жеймс Ришнинг позициясига зид.
Эслатиб ўтамиз, С-400 тизимини етказиб бериш 12-июлда бошланган ва 2020-йил апрелгача давом этади.
Uzbek